Lissabon er ein skemmtilegasta höfuðborg Evrópu. Hér er frábært loftslag, frábærir veitingastaðir, áhugaverðar kynnisferðir og gott að versla, en verðlag í Portúgal er með því lægsta í Evrópu. Sögufræg borg, fjöldi áhugaverðra staða að heimsækja, frábærir veitingastaðir, topp hótel, ódýrt að versla og frábærir staðir til að halda árshátið. Best er að gista nálægt Avenida Liberdade, með frábærum verslunum og veitingastöðu, eða í Baixa, nær höfninni, þar sem er mikið mannlíf og fjöldi veitingastaða.

Skemmtilegt að gera í Lissabon

Skoðunarferð um borgina – Hægt er að fara í TUK TUK ferð þar sem bílstjórinn er leiðsögumaðurinn. Einnig er hægt að fara í Hop on/Hop off rútur eða í Tram 28 sem fer framhjá helstu kennileitum borgarinnar.
Rölta í Alfama, gamla bæ Lissabon og hlusta á Fado tónlist
Kíkja á Pink Street í miðbæ Lissabon
Gleyma sér á Time Out - Matarmarkaði Lissabon

Hótel

Mercure Lisboa er með glerveggi og sundlaug á efstu hæð og býður upp á gistirými í 5 mínútna göngufjarlægð frá dýragarðinum í Lissabon. Það státar af ókeypis WiFi og veitir barnaþjónustu.
Loftkæld herbergin á Hotel Mercure Lisboa eru öll með stóra glugga með tvöföldu gleri og setustofu. Þau eru með sjónvarp, útvarp og sérbaðherbergi með baðkari.

Boðið er upp á hefðbundna sérrétti og sígilda evrópska rétti á veitingastaðnum. Móttökubarinn framreiðir svalandi drykki, fræg portúgölsk vín og sterkari vín frá svæðinu.

Á meðal vinsælla staða í nágrenninu má nefna Gulbenkian-safnið, í 5 mínútna göngufjarlægð frá Mercure Lisboa Hotel. Sete Rios-neðanjarðarlestarstöðin er í 300 metra fjarlægð og veitir beina tengingu við Rossio-torgið.