Aha bloggið

Kemur sá 200.000 fyrir páska?

Allt stefnir í að tvö hundruð þúsundasti viðskiptavinur Aha komi fram núna fyrir páska. Af því tilefni ætlum við að verðlauna hinn heppna með veglegu gjafabréfi fyrir tvo.

Ekki óraði okkur fyrir því þegar við fórum í loftið árið 2011 að 200.000 aðilar ættu eftir að skrá sig. Það er skemmst frá því að segja að við erum óendanlega þakklát fyrir það mikla traust sem viðskiptavinir hafa sýnt okkur.

Er hádegismatur í þínu fyrirtæki?

Við höfum þróað spennandi lausn þar sem vinnustaðir geta sameinað pantanir frá mörgum starfsmönnum í einu og fengið allt sent í einni pöntun.

Hægt er að panta frá 100 veitingastöðum og margir af þeim senda frítt þegar keypt er fyrir ákveðna upphæð.

Réttirnir eru merktir með nafni, sem einfaldar dreifingu.

Hér eru leiðbeiningar til að panta og ef fyrirtæki óska, getur starfsmaður Aha komið í heimsókn og kennt þeim sem sér um að panta, að panta í fyrsta skiptið.

Þess má geta að lausnin hentar líka þegar panta á matvöru.

Alltaf hægt að sækja

Gríðarlegt álag hefur verið á heimsendingarþjónustunni undanfarnar vikur, bæði vegna fjölda fólks í einangrun og sóttkví og nú síðustu daga, vegna færðar á höfuðborgarsvæðinu.

Margföld eftirspurn hefur verið dag eftir dag eftir heimsendri matvöru og veitingum, en um 140 veitingastaðir eru í samstarfi við okkur og fjölgar hratt þessa dagana.

Við höfum heldur ekki farið varhluta af faraldrinum en margir starfsmenn hafa verið í sóttkví og einangrun að undanförnu með tilheyrandi erfiðleikum við mönnun vakta.

Því beinum við því til viðskiptavina okkar að þó það geti verið gott að fá heimsendingu, er ekki síður gott að geta verslað í rólegheitunum að heiman, látið starfsmenn verslana eða veitingastaða taka til vörurnar fyrir sig og sækja þær svo (eða fá vini og ættingja til að skjótast út) þegar SMS kemur um að pöntunin sé tilbúin.

,,Ég nýti mér það óspart að panta hádegis- eða kvöldmatinn í aha appinu og sækja sjálf eða fæ kærastann til að kippa því með heim eftir vinnu. Þá get ég skoðað matseðilinn í appinu, valið fyrirfram hvenær ég ætla að sækja og verið búin að borga fyrirfram“ segir Gerður Guðnadóttir, markaðsstjóri Aha. ,,Þetta tekur bara nokkrar mínútur, en ég finn líka oft góð tilboð frá veitingastöðum sem ég hefði annars ekki vitað af.“ bætir Gerður við.

35% aukning á pöntunum Subway

35% aukning varð á fjölda pantana Subway á milli desember- og janúar mánaða.

Má þetta rekja til nokkurra þátta en líkt og Aha hefur Subway fylgst vel með gangi mála vestanhafs og í Bretlandi séð hvernig mikla fjölgun pantana má rekja til fyrirtækja eins og Uber Eats, Just-Eat og Deliveroo sem starfrækja markaðstorg og sjá um ýmist tæknimál auk heimsendinga fyrir veitingastaði, líkt og Aha gerir hér á landi.

Subway hóf í desember að auglýsa samstarf við Aha reglulega. Sem dæmi er viðskiptavinum nú í auknum mæli beint til Aha á stafrænum miðlum og í útvarpi, en einnig þegar viðskiptavinir hringja og biðja um heimsendingu. Að auki bætti Subway við pöntunar-hnapp á síðuna sína er tengdist beint til Aha og hóf fríar heimsendingar, þegar keypt er fyrir 4.999 kr. eða meira.

Á svörtu og hvítu

Jónatan Jónatansson, markaðsstjóri Subway segir þessar niðurstöður sýna, svart á hvítu, að það margborgi sig að vinna með Aha, enda ætli Subway ekki út í heimsendingar, heldur sé það markmiðið að efla enn frekar samstarfið við Aha og leyfa hvoru fyrirtæki um sig að nýta sína styrkleika til fulls.

Jónatan Jónatansson, markaðsstjóri Subway

100% rafmagn og ekkert bull

Aha státar af öflugum rafmagnsbílaflota en árið 2017 var ákveðið að sinna heimsendingum fyrirtækisins einungis á rafmagnsbílum. Í dag á fyrirtækið yfir 30 rafmagnsbíla sem eru í útkeyrslu frá morgni til kvölds og eru síðan hlaðnir á nóttunni.

,,Bílaflotinn okkar samanstendur af 100% rafbílum. Við lágmörkum kolefnisspor af heimsendingarþjónustunni með því að taka tillit til loftslagsáhrifa yfir líftíma bílanna okkar þ.á m. framleiðslu á bílum, rafhlöðum og bruna jarðefnaeldsneytis. Þetta var meðvituð ákvörðun um umhverfisvernd, en kolefnissporið okkar í akstrinum einum og sér hefði verið 3000 sinnum stærra ef við hefðum ekið á bensín- eða díselbílum með allar þessar sendingar” segir Katrín Ósk Einarsdottir, Framkvæmdastjóri Þjónustusviðs Aha.

Heimsendingar með hestum

Nýr afhendingarmáti hjá aha.is tekinn í gagnið.

Aha.is er markaðstorg á netinu sem sér meðal annars um heimsendingar frá yfir 140 veitingastöðum á höfuðborgarsvæðinu og Selfossi.

Fyrirtækið leggur áherslu á umhverfisvænar heimsendingar enda er kolefnissporið ein stærsta umhverfisáskorun slíkrar starfsemi. Drónasendingar Aha.is voru valdar framtak ársins 2021 af Samtökum Atvinnulífsins en aha notar auka þess 100% rafmagnsbíla og hlaupahjól við sendingarnar.

Nýjasta viðbót flotans eru 5 gæðingar en stefnt er að því að fjölga í stóðinu þegar líður að sumri. Innan fyrirtækisins er unnið skv. heimsmarkmiðum sameinuðu þjóðanna og markvisst stuðlað að vistvænum starfsháttum á öllum sviðum rekstrarins.

,,Eftir erfiðan vetur með lokunum og illa mokuðum götum var ljóst að við þurftum að leita nýrra leiða til að létta undir með bílaflotanum og koma sendingum heim til viðskiptavina á umhverfisvænan hátt. Ákveðið var að velja öruggan og þægilegan ferðamáta sem hefur reynst Íslendingum vel öldum saman” segir Helgi Már Þórðarson, einn eiganda Aha.is.

,,Hér er til mikils að vinna og hægt að draga enn meira úr umhverfisáhrifum starfseminnar og ekki síst verið að leita að óhefðbundnum lausnum í umhverfismálum og hugsa út fyrir kassann”, segir Helgi Már.

Með þessum nýja heimsendingarmáta sér Aha fyrir sér að auka ratvísi sendla og fjölga réttum í heimsendingu enda býr þessi nýja hrossastóð Aha yfir reynslumiklum hestum sem hafa verið notaðir bæði í leitum og réttum.

,,Aha mun eingöngu notast við fimmgangs hesta og mun sendingargjaldið taka mið af gangtegundinni sem viðskiptavinurinn kýs að hesturinn noti í heimsendinguni, tölt eða skeið. Í Aha stóðinu, sem staðsett er í Hafnarfirði er einnig að finna þrjá verðlauna skeiðhesta sem verða sérstaklega notaðir í hraðsendingar á súpu” segir Andri Davíð Pétursson, hestasveinn Aha.is

Andri Davíð Pétursson, hestasveinn Aha.is

Kynningarmyndband

Aha leitar nú að vönum knöpum í sumarstarf og er hægt að sækja um með því að smella hér til að sækja um

Uppskriftir

Nýtt á Aha!

Í vikunni kveiktum á uppskriftum, en þar gefst viðskiptavinum færi á að velja á milli nokkurra uppskrifta og panta það sem þá vantar í hverja uppskrift. Þetta hefur verið þó nokkuð lengi í þróun hjá okkur og verður spennandi að sjá hvernig viðskiptavinir taka í þetta.