„Ég óska mér að mamma mín fái að lifa og komi aftur heim!“ Fimm ára drengur nær að fanga litríkt óskafiðrildi. Hans heitasta ósk er að mamma komi aftur heim – til hans, pabba og litlu systur.
Svo týnist hjartaslóð segir frá baráttu Betu Reynis við að komast í gegnum erfið veikindi og fóta sig aftur í lífinu. Hvað tekur við hjá ungri konu sem hefur misst heilsu og mátt og þarf að læra allt uppá nýtt? Hvaða áhrif hefur það á fjölskylduna og samband hennar við sambýlismanninn? Á líf hennar og drauma? Er mögulegt að ná að fóta sig aftur og finna hamingjuna þrátt fyrir heilsuleysi og andlegt hrun?
Inn í frásögnina fléttast sögur af forfeðrum Betu og vangaveltur um hvaða áhrif þeirra líf hefur haft á sögu hennar. Hafa áföll þeirra eitthvað með það að gera að Beta týnir sinni hjartaslóð?