Hvað kom fyrir Andrés? Allt sem hann snertir verður að gulli! Jóakim frændi er alsæll en strákarnir hafa hins vegar áhyggjur, því þetta dregur allan mátt úr Andrési. Þegar Andrés fer svo sjálfur smám saman að breytast í gull, er voðinn vís!

Haldið ykkur fast því hér eru fleiri gullmolar á ferð:

Andrés sprengir upp heila gullnámu í klaufaskap sínum.

Bjarnabófarnir fara í kapp við Andrés og Fiðra í fjársjóðsleit Andabæjar og vinningsbikarinn er úr skíragulli.

Mikki leitar að gulli frá tímum þrælastríðsins.

Andrésína fær loksins verðmæta gjöf frá Andrési en þar er ekki allt gull sem glóir.

Indriði Jóns lendir í vandræðum í leit sinni að aldagömlum gullleikföngum.

Nýja ilmvatnið hennar Birgittu angar af seðlum og gulli og því hefur hún Jóakim algerlega á sínu bandi.