Hanna Kjeld er fædd og uppalin í Innri-Njarðvík, en fluttist um tíma með fjölskyldu sinni til Færeyja skömmu fyrir seinna stríð. Hanna fluttist ung til Hafnarfjarðar og hefur búið þar alla tíð síðan. Fyrst var hún við nám í Flensborgarskólanum, en skólinn varð síðar vinnustaður hennar í tæpa fimm áratugi. Hanna hefur líflega frásagnargáfu og í þessari bók dregur hún upp myndir af skini og skúrum sem hún hefur gengið í gegnum á lífsins vegi.