Caminos hefur að geyma safn texta frá spænskumælandi þjóðum. Bókinni er skipt í kafla eftir landsvæðum og geyma þeir margs konar efni frá ýmsum tímum, svo sem brot úr bókmenntaverkum, þjóðsögur og fróðleik.

Textarnir eru misþungir og geta því hentað á ýmsum stigum spænskunáms, en við val á textum og gerð orðskýringa var einkum horft til þeirra sem styttra eru komnir í náminu, en hugað að hinum lengra komnu í bókinni Al corazón.