Hvaða stelpa vill ekki vera prinsessa?

Þórey vill vera prinsessa er raunsæ saga um fjöruga stelpu sem er í pössun hjá ömmu sinni á meðan mamma hennar er að vinna. Þóreyju tekst að breyta þessum venjulega degi í sitt eigið ævintýri þar sem hún bregður sér í hlutverkaleik með ömmu sinni, inn á milli húsverkanna. Þegar afi kemur heim úr vinnunni færist heldur betur fjör í leikinn og prinsessan verður að forða sér frá tröllkarlinum.