Heimilisfang
Velja afhendingarmáta

Hér kemur fyrir almenningssjónir í nýjum búningi hin þekkta bók Magnúsar Stephensens dómstjóra, Ræður Hjálmars á Bjargi, en hún var fyrst gefin út árið 1820. Hún byggir á samræðum bóndans Hjálmars og fimm barna hans.

Ritið er lýsing á þeirri samfélagsskipan sem Magnús taldi til fyrirmyndar. Fjallað er um mikilvægi bænda fyrir íslenskt efnahagslíf og hlutverk stéttanna á öndverðri 19. öld. Þar koma fram viðhorf dómstjórans til stöðu kvenna, embættismanna og skyldum þeirra gagnvart almúganum. Örn Hrafnkelsson sagnfræðingur annaðist útgáfu bókarinnar og skrifar auk þess ítarlegan formála þar sem hann gerir grein fyrir lífshlaupi Magnúsar, áhrifum sem bókin hafði á landsmenn og hverjar hugsanlegar fyrirmyndir höfundur voru.

Bókin er gefin út í ritröðinni Heimildasafn Sagnfræðistofnunar.