Hjónaleysin Laura og Julio eignast náinn vin þegar Manuel flytur í íbúðina við hliðina á þeim. Manuel er heillandi glæsimenni og rithöfundur – þótt hann hafi aldrei skrifað bók. Það er skarð fyrir skildi þegar Manuel lendir í slysi og liggur í dauðadái á spítala. Laura og Julio ráða ekki við að vera tvö ein og skilja, en Julio fer ekki langt heldur flytur með leynd í mannlausa íbúðina við hliðina og tekur að lifa lífi vinarins.