Hvernig væri að skella sér í skemmtilega fjórhjólaferð? Skemmtun, útivist, kraftur, spenna og gleði! Fjórhjólaferð með leiðsögn á höfuðborgarsvæðinu.

Ekið er inn Úlfarsárdalinn, framhjá Hafravatni, inn Þormóðsdal og upp Hafrafellið. Þegar upp er komið er útsýnið yfir Reykjavík og nágrenni stórkostlegt og tilvalið að stoppa og njóta áður en haldið er til baka. Ferðirnar eru farnar flesta daga sjá nánar á www.atvreykjavik.is.

Við pöntun þarf að gefa upp nafn tengiliðs, netfang, símanúmer, gjafabréfsnúmer, fjölda fjórhjóla sem óskað er eftir og stærð hópsins.

Afbókanir óskast gerðar minnst 48 klst fyrir brottför ef hægt er og að mætt sé tímanlega (10-15 mín fyrir uppgefinn tíma)

Vinsamlegast klæðist hlýjum innanundirfötum, góðum skóm og ekki verra ef þið komið með eigin hanska, buff eða trefil og jafnvel hjálm og kuldagalla ef þið eigið. Óvarlegur akstur er ekki leyfður í ferðunum og skrifa þátttakendur undir ábyrgðaryfirlýsingu þess efnis fyrir ferð.

Gildir fyrir tvo á einu hjóli.