Heimilisfang
Velja afhendingarmáta

Í ritinu er fjallað um vináttu, óformleg samskipti og tengsl manna á milli á Norðurlöndum á fyrri öldum. Rannsóknunum sem hér eru birtar er ætlað að skapa mótvægi við hefðbundnar rannsóknir á ríkisvaldi, stofnunum og þjóðerni með því að beina athyglinni að samskiptum einstaklinga og hópa, og framferði þeirra í samfélaginu.

Í bókinni eru tólf ritgerðir eftir norræna sagnfræðinga sem ræddu viðfangsefnið á norræna sagnfræðingaþinginu í Reykjavík 2007. Í ritgerðunum er fjallað um tengslanet á Norðurlöndum og í Evrópu allt frá miðöldum fram um 1800, samband kjarnasvæða og jaðarsvæða, hlutverk vináttu í félagslegum samskiptum og þátt hennar í sjálfsmynd fólks. Í nokkrum ritgerðum er fjallað um áhrif persónulegra samskiptahátta á samfélagið í víðara samhengi.

Bókin er gefin út í ritröðinni Ritsafn Sagnfræðistofnunar.