Þorbjörg Halldórsdóttir (1875-1979) fæddist í Strandarhjáleigu í Vestur-Landeyjum í Rangárvallasýslu og ólst þar upp. Hún settist aldrei á skólabekk. Hún lærði það sem sveitasamfélagið ætlaðist til og miðlaði til barna og unglinga með aðferðum sem þá tíðkuðust. Þorbjörg var vel að sér, las bæði bækur og blöð, íslensk og dönsk. Morgunblaðið las hún frá því það hóf göngu sína 1913, lengst af sem áskrifandi. Að loknum búskap í Hraungerðishreppi fluttist hún á Selfoss 1944, 69 ára gömul. Þá hófst útsaumsferill hennar og stóð í þrjá áratugi. Þorbjörg skapaði listaverk sem telja má hafa verið nýmæli í listsköpun hér á landi. Verk eftir hana eru fjölmörg og eru nokkur þeirra til sýnis á Skógasafni.

Eiríkur G. Guðmundsson er fæddur á Selfossi 1953. Fluttist til Reykjavíkur 1961. Hefur lengst dvalið þar og á Akranesi. Lauk BA. prófi í íslensku og sögu frá Háskóla Íslands, Cand.-mag. prófi sagnfræði frá Hafnarháskóla. Hann lét af starfi þjóðskjalavarðar 2019 og hefur síðan stundað rannsóknir. Kverið um Þorbjörgu Halldórsdóttur skrifaði hann í kjölfar þess að Safnasafnið á Svalbarðseyri ákvað að sýna úrval verka hennar 2025. Flest þeirra eru í eigu Eiríks.

Logi Höskuldsson er fæddur í Reykjavík 1987. Hann útskrifaðist úr Listaháskóla Íslands árið 2010. Í myndlist sinni beitir hann bæði hefðbundnum og nýjum aðferðum í útsaumi. Logi hefur kynnt sér verk Þorbjargar Halldórsdóttir í aðdraganda sýningar á verkum hennar í Safnasafinu. Hér fjallar hann um myndlist Þorbjargar og um útsaum sem listform.