Heimilisfang
Velja afhendingarmáta
Höfundur: Guðbergur Bergsson

Þegar Tómas Jónsson Metsölubók kom út árið 1966 vakti hún strax mikið umtal, hneykslun og aðdáun og seldist upp, stóð undir nafni. Aldrei hafði áður komið út slík bók hér á landi. Elliært gamalmenni lætur dæluna ganga um allt milli himins og jarðar milli þess sem ólíkir textar af alls kyns tagi skjóta upp kollinum. Frásagnir hefjast en hætta, persónur koma og fara, renna saman og sundur í orðaflaumnum. Hæðst er að gömlum frásagnaraðferðum og höfundinum virðist ekkert heilagt.

Fyndni Guðbergs og uppátækjasemi á sér lítil takmörk. Í bókinni allri er sprengikraftur nýsköpunarinnar svo að hún nær sterkum tökum á lesanda. Flestir voru sammála um að hér væri um að ræða tímamótaverk og með árunum hefur bókin öðlast sinn sess í íslenskum bókmenntum: Tómas Jónsson, meistaraverk.

Guðmundur Andri Thorsson ritar eftirmála.

2.650 kr.
Afhending