Þórarinn Eldjárn

Bókin inniheldur tólf þulur eftir Þórarin, með myndum eftir Lindu Ólafsdóttur. Þetta er fyrsta bók Þórarins með þulum og eru þær í anda þeirra þulna sem ortar hafa verið gegnum aldirnar. Þannig lýkur bókinni:

 
Þuluþökk

Höfundum þeim sem þuldu

skal þakkað, svo sem Huldu

og öðrum af þeim stóru 

sem á undan fóru

ekki síst Theódóru

og einnig Erlu

ortu þær marga perlu.

Þakkað skal allt sem Jón Árnason gaf

og Ólafur Dav.

Loks skal lof síst spara

hinum léttstíga nafnlausa skara

ættmæðra og ættfeðra vorra

allar götur frá Snorra.