Ljóðin í Tímanna blik eru samin á undanförnum árum og fjalla um tímablikið, þögnina, sýndarverurnar og hin margvíslegu tilverustig.

Tónlist byggð á ljóðum í bókinni kemur út samhliða og ber nafnið Tímablik – píanóljóð en tónlistin þar endurspeglar ljóðin í bókinni bæði í hljómum, áferð og tónum – til hljómrænnar túlkunar á efni og innihaldi ljóðanna.

Kjartan Ólafsson gaf út sína fyrstu ljóðabók, Líf – Uppistand augnabliksins, árið 2024 en hann hefur auk þess samið ljóð við tónlist af ýmsum toga.

Kjartan er tónskáld og hefur samið vel á þriðja hundrað tónverka af ólíkum gerðum; sinfóníur, óperur, kammerverk, kórverk, dansverk, raftónverk og dægurlög og hafa mörg verka hans verið byggð á bókmenntalegum grunni.