Vinsælasta íslenska unglingabók allra tíma!

Vinirnir Kiddi og Tryggvi eru sestir á skólabekk eftir fjörugt fótboltasumar. Í bekknum er nýr strákur, Skapti, sem verður vinur þeirra þrátt fyrir að hafa meiri áhuga á ballett og ljóðagerð en fótbolta. Þar er líka ný stelpa, Agnes, sem Kiddi fær strax augastað á. Haustið verður viðburðaríkt fyrir krakkana: grunnskólamótið í fótbolta og starf með ungalingalandsliðinu í knattspyrnu á hug strákanna allan, og í skíðaferð í Kerlingarfjöllum gerist dularfullur atburður sem á eftir að draga dilk á eftir sér.

Tár, bros og takkaskór kom fyrst út árið 1990 og sló strax rækilega í gegn hjá lesendum. Fyrir bókina hlaut Þorgrímur Þráinsson Barnabókaverðlaun fræðsluráðs Reykjavíkur.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Mikael Kaaber les.