Hvað bíður þeirra núna?
Hvar munu þau lenda og hvernig reiðir þeim af?
Hvað ber framtíðin í skauti sér?
Það hafa þau ekki neina hugmynd um!

Einu sinni voru Austurhlíð og Vesturhlíð friðsæl þorp þar sem gott var að búa. En nú er skollið á stríð og fullorðna fólkið allt orðið stórskrítið. Þess vegna ákveða systkinin Lína og Hringur að flýja að heiman á Happadísinni, heimasmíðaða bátnum sínum. Áfangastaðurinn er Skuggasker – draugalega eyjan úti við sjóndeildarhring sem allir eru hræddir við.

Strokubörnin á Skuggaskeri er spennandi saga eftir Sigrúnu Eldjárn ætluð lesendum frá níu ára aldri, skemmtileg og ríkulega myndskreytt. Bókin var tilnefnd til Fjöruverðlauna og til Íslensku bókmenntaverðlaunanna.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 3 klukkustundir og 47 mínútur að lengd. Andrea Ösp Karlsdóttir les.