Flokkar:

Höfundar: Sigmundur Ernir Rúnarsson, Gunnar V. Andrésson

Margar fréttaljósmynda Gunnars V. Andréssonar eru táknmyndir í sögu okkar – þegar við hugsum um tiltekna stórviðburði er það einatt einhver af myndum hans sem kemur upp í hugann.

Gunnar er enda einn áhrifamesti ljósmyndari okkar og margar fréttamynda hans hafa mótað hugmyndir okkar um sögu lands og þjóðar. Ferillinn spannar hálfa öld, frá því hann hóf störf á Tímanum 16 ára árið 1966. Síðar var hann á Vísi, DV og Fréttablaðinu. Og fjölmörg augnablikin sem Gunnar festi á filmu eru greypt í þjóðarsálina.

Gunnar velur hér á annað hundrað minnisstæðustu mynda sinna og Sigmundur Ernir Rúnarsson skráir söguna á bakvið hverja þeirra – úr verður einstakt og áhrifamikið sjónarspil; fréttaviðburðir, stjórnmál, íþróttir, náttúra, listir og skemmtanir, innlend og útlend stórmenni og okkar minnstu bræður og systur – allt á þetta sína fulltrúa í myndasafni GVA.