Karen Williamson

Það er mikilvægur fundur um miðjan dag og þú getur með engu móti haldið augunum opnum, svefninn sækir á. En um dimmar nætur liggur þú andvaka í rúminu, starir á verkjaraklukkuna-það stirnir á sjálflýsandi tölustafina og þú nærð ekki að þagga niður í þungmeltum hugrenningum. Hverju sem um er að kenna- álagi á vinnustað eða háværum hrotum ástvinar- hafa allir upplifað þá raun að fá ekki nægan svefn. Ég man að ég var svo alvarlega vansvefta þegar börnin mín voru á fyrsta ári að ég mundi tæpast hvað ég hét. Vitaskuld lenti allt í handaskolum, sokkarnir enduðu í ísskápnum og mjólkin í kommóðunni. Næði ég að komast í gegnum daginn án þess að valda öðrum alvarlegum skaða var það mikill persónulegur sigur. Sofum betur mun vísa þér veginn að framtíðarlausn á þeim alvarlega vanda að fá ekki nægan svefn.