Heimilisfang
Velja afhendingarmáta
Höfundar: Magnús Halldórsson, Þórður Snær Júlíusson

HVERJIR EIGNAST ÍSLAND?

Fimm árum eftir efnahagshrunið er þjóðin enn að takast á við áfallið sem því fylgdi. Ólgandi reiði almennings og efasemdir um grunnstoðir samfélagsins hafa verið mál málanna. En undir niðri á sér stað hljóðlátari hernaður sem erfiðara er að henda reiður á: Tekist er á um auðlegð þjóðarinnar, auðlindir og framtíðarmöguleika, og aðalhlutverkinleika viðskiptablokkir sem flestar höfðu tögl og hagldir í efnahagslífinu fyrir hrun en jafnframt erlendir vogunarsjóðir og hrægammar.

En hvaðan koma fjármunirnir sem notaðir eru til að kaupa eignir þrotabúanna? Og hverjir verða eigendur Íslands þegar „gjörningaveðrinu“ slotar?

Blaðamennirnir Magnús Halldórsson og Þórður Snær Júlíusson hafa á undanförnum árum vakið athygli fyrir skörp skrif um íslenskt viðskiptalíf. Hér flétta þeir saman ótal þræði og veita þannig innsýn í ískyggilega atburðarás sem snertir þjóðina alla.


„… ritið er vel unnið, bráðnauðsynlegt og gott dæmi um mikilvægi þess að blaðamenn setjist niður og skrifi bækur um málefni líðandi stundar.“

Guðni Th. Jóhannesson /


“Ísland ehf – Auðmenn og áhrif eftir hrun er fróðleg bók þar sem saman eru dregnar upplýsingar um þá skák sem leikin var um fyrirtæki og fjármálakerfi þjóðarinnar á misserunum og árunum eftir hrun. Hún er nauðsynleg lesning fyrir alla þá sem vilja kynna sér hvað gerðist bak við tjöldin og tengdist viðskiptalífinu eftir bankahrunið í október árið 2008.“
Gunnlaugur A. Júlíusson /