Skattland: Valdastjórn á Íslandi 1281–1551 fjallar um íslensk stjórnmál frá lögtöku Jónsbókar 1281 til siðbreytingarinnar 1551 og varpar ljósi á hina vanræktu síðmiðaldasögu Íslands. Eftir átök Sturlungaaldar tók við tímabil meiri stöðugleika undir konungsvaldi. Þrátt fyrir erlenda valdstjórn mótuðu Íslendingar sterka sameiginlega sjálfsmynd. Alþingi á Þingvöllum og lögrétta voru miðstöðvar stjórnmálalífsins, þar sem vísað var til fornra réttinda, Gamla sáttmála og Jónsbókar. Siðbreytingin 1551 markaði tímamót í sögu konungsvalds og menningarlífi landsins. Jafnframt efldist íslensk trúarorðræða og kirkjurnar urðu mikilvægur vettvangur íslenskrar tungu.