Heimilisfang
Velja afhendingarmáta
Höfundar: Halldór Baldursson, Sif Sigmarsdóttir

Eru foreldrar þínir sítuðandi um „þessa nútímaunglinga“? Og er amma þín alltaf eitthvað að þvaðra um að allt hafi verið betra í gamla daga?
Þá er þetta bókin fyrir þig.

Þau hafa nefninlega kolrangt fyrir sér. Sjúklega súr saga leiðir þig í allan sannleika um af hverju og fær þér í hendur öll þau svör sem þú þarft til að gera þau kirfilega kjaftstopp.

Hér má lesa allt um:
MYGLAÐAR MIÐALDIR
STURLAÐA STURLUNGA
ÓÐA ÚTRÁSARVÍKINGA
ÓHLÝÐNA BISKUPA
BLINDFULLA EMBÆTTISMENN
ROPANDI YNGISMEYJAR
TÍMAFLAKKANDI SAGNFRÆÐINGA
DREPSÓTTIR, HÝÐINGAR OG HRUN
… og ýmislegt fleira súrara en góðu hófi gegnir.

Gættu þess bara að fela bókina vandlega að lestri loknum til þess að foreldrar þínir komist ekki með klærnar í hana. Þau eru nefninlega vís með að vilja skemmta sér yfir henni líka.

Sif Sigmarsdóttir, blaðamaður og rithöfundur, hélt að hún gæti bjargað heiminum með því að gerast sagnfræðingur. En það reyndist erfiðara en virtist við fyrstu sýn.

Halldór Baldursson hefur sérstakt lag á að draga fram súrari hliðar nútímans með teikningum sínum. Nú lítur út fyrir að fortíðin sé ekki óhult heldur.