Heimilisfang
Velja afhendingarmáta
Höfundur: Halldór Laxness

Sjöstafakverið er síðasta smásagnasafn Halldórs Laxness. Það kom upphaflega út árið 1964 og geymir sjö eftirminnilegar og margræðar sögur, leiftrandi af alkunnum húmor skáldsins.

Smásögurnar hafa fallið nokkuð í skuggann af skáldsögum Halldórs, en á 7. áratugnum sneri hann baki við skáldsagnagerð um skeið og fékkst einkum við leikritun og greinaskrif. Hann samdi þó fleiri skáldsögur síðar, ásamt endurminningum, ritgerðum og greinum.

Sjöstafakverið er ein heild, sögurnar samstæðar og töluvert frábrugðnar þeim sem Halldór skrifaði á yngri árum; ekki beinlínis raunsæjar og dálítið á skjön við hversdaglegan veruleika. Stíll Halldórs er þó ávallt samur við sig, beittur, kíminn og bragðvís, og í efninu má greina ýmsa þætti sem eiga sér samsvörun í öðrum og frægari verkum hans.

1.380 kr.
Afhending