„Hérna sit ég, búin að snúa lífinu mínu á hvolf vegna nokkurra fingra á vitlausum stað í dálitla stund.“

Lífið virðist blasa við hæfileikaríkri, ungri konu. Hún á góða vini, ástríka fjölskyldu og er á leiðinni í spennandi inntökupróf við virtan tónlistarskóla erlendis. En eftir það sem vinur hennar gerði í partíinu um jólin upplifir hún aðeins einkennilegan doða og tengslaleysi við sjálfa sig og sína nánustu.

Sjálfstýring er grípandi samtímasaga sem fjallar á raunsannan hátt um afleiðingar ofbeldis og leiðina til baka út úr myrku herbergi. Sagan sigraði í samkeppni Forlagsins Nýjar raddir 2020.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 1 klukkustundir og 45 mínútur að lengd. Þórdís Björk Þorfinnsdóttir les.