Bragi Ólafsson er einn þeirra fágætu höfunda sem skapa seiðmagnað andrúmsloft með því einu að raða upp á nýtt orðunum sem við öll notum og þekkjum. Í Sendiherranum (2006) skapar hann einstæða en um leið kunnuglega veröld þar sem hárfínn húmor helst í hendur við tragísk örlög. Sagan af íslenska ljóðskáldinu Sturlu Jóni Jónssyni lýsir glímu hans við hinn miður ljóðræna raunveruleika en einnig baráttu hans við glæpamanninn sem býr í okkur öllum. Hinn menningarlegi sendiherra lands síns þarf að bregðast við óvæntum áföllum á erlendri grund en einnig gleðilegum eins og kynnunum af skáldkonunni Liliyu Boguinskaia, og hann þarf að kljást við þá ógn sem hans eigin sköpun hefur í för með sér – þau þungu sannindi að til að vera við sjálf þurfum við að stela frá öðrum.

Sendiherrann var tilnefnd til Íslensku bókmenntaverðlaunanna og Bókmenntaverðlauna Norðurlandaráðs og hún hlaut Bókmenntaverðlaun starfsfólks bókaverslana. Sendiherrann var tilnefnd til Íslensku bókmenntaverðlaunanna árið 2006. Bókin kom út í Bandaríkjunum og Bretlandi haustið 2010 og var tekið afar vel.