Frásagnarlist er ekki sjálfgefin, en Atli Unnsteinsson fæddist svo sannarlega með þá náðargáfu. Flugstjóri og flugkennari í yfir 40 ár nýtti þennan hæfileika vel.

Í flugkennslunni kom gjarnan að einhverjum stað í námsefninu þar sem setningin „Sem minnir mig á það“ kom og í kjölfarið fylgdi góð saga sem gaf námsefninu meira líf. Þaðan er titill bókarinnar kominn. Atli er stórum hluta atvinnuflugmanna kunnur en þessi bók á svo sannarlega erindi til allra sem hafa gaman að góðum sögum.

Sögurnar spanna flugferil Atla, allt frá upphafi flugferils árið 1972 og til starfsloka. Atli er númer eitt á starfsaldurslista flugmanna Icelandair nú þegar bókin kemur út.