Einn vetrardag árið 2008 hverfur hátt settur sænskur sjóliðsforingi, Håkan von Enke, á daglegri morgungöngu sinni. Málið snertir Kurt Wallander lögreglufulltrúa í Ystad persónulega vegna þess að von Enke er tengdafaðir Lindu dóttur hans.

Þegar eiginkona von Enke hverfur líka jafn sporlaust og á jafn dularfullan hátt verður Wallander enn helteknari af gátunni. Smám saman eru þræðir raktir aftur til kalda stríðsins, grimmrar samkeppni stórveldanna í austri og vestri. Kannski er málið margfalt alvarlegra en Svíar hafa áður kynnst. En það er erfitt að fá góða yfirsýn því margir vilja varpa ryki í augu Wallanders.

Á sama tíma birtist ennþá dekkra ský á himni hans …

Hólmfríður K. Gunnarsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 17 klukkustundir og 1 mínúta að lengd. Haraldur Ari Stefánsson les.