Skemmtilegur reiðtúr meðfram bökkum Þjórsár og niður með Suðurströndinni. Hægt er að velja um einnar eða tveggja klukkustunda ferðir. 

• 1 klst. 3.990 kr. (fullt verð 7.000 kr.)
• 2 klst. 6.490 kr. (fullt verð  12.000 kr.)

Margir hestar við allra hæfi. Algengast er að fara með smærri hópa þar sem hver og einn knapi fær að njóta sín á góðum hesti við sitt hæfi. Markmiðið er góður útreiðartúr í fallegu landslagi þar sem maður og hestur verða eitt með náttúrunni. Leiðsögumaður fer með í alla reiðtúra.

Aha.is og Vatnsholt bjóða einnig upp á tilboð í fótboltagolf og í 3ja rétta máltíð á staðnum. Hvers vegna ekki að gera sér glaðan dag og sameina tvö eða fleiri tilboð, t.d. að gæða sér á ljúffengri máltíð eftir reiðtúrinn eða taka hópinn með í dagsferð þar sem sumir velja að fara í reiðtúr en aðrir í fótboltagolf?

• 3ja rétta máltíð 
• Fótboltagolf

Um Vatnsholt: 

Vatnsholt er fallegt, nýuppgert sveitasetur staðsett 16km austan af Selfossi. 

Upphaflega var Vatnsholt gamall sveitabær sem hefur nú verið uppgerður og er í dag glæsilegt sveitahótel og veitingastaður. Á jörðinni eru nautgripir, hestar, kanínur, hænur og hani, geitur, refur, hundar, kettir, hrafn og dúfur. Skemmtilegt er að segja frá því að meðal dýranna er einn krummi sem kann að mala og tala og einnig svín sem heldur að hann sé hundur.

Frábært leiksvæði er til staðar fyrir börnin, stórt trampólín, kastali með rennibraut og stór 6 manna róla. 

Á Vatnsholti eru 70 gistirými í 33 herbergjum. Í uppgerðu fjósi og hlöðu er glæsilegt veitingahús þar sem hægt er að taka á móti 225 manns í sæti í a la cart.  Á staðnum er bar sem býður  m.a. upp á bjór af krana. Einnig er þar salur tilvalinn til funda- og ráðstefnuhalda, brúðkaupa eða fyrir veislur af ýmsu tagi. Boðið er upp á hópmatseðla og dagskrá fyrir hópa. 

Nánari upplýsingar má sjá hér. 

Akstursleiðbeiningar:

Frá Selfossi :

Akið ca. 7 km út frá Selfossi (á leið til Hellu) beygt til hægri við skilti á hægri hönd merkt Villingaholt (vegur nr. 305) aftur ekið ca. 7km, beygt til hægri við skilti merkt Kolsholt (vegur nr. 309), takið fyrsta afleggjara til vinstri og keyrðu út á enda. Velkomin í Vatnsholt.

Sjá kort á ja.is

GPS Hnit:

63° 52,797 N, 20° 47,152 W