Ný og skemmtileg afþreying fyrir alla fjölskylduna, vinahópinn, vinnustaðinn og alla hina. Fótboltagolf líkist hefðbundnu golfi nema hér er notast við fótbolta sem koma þarf ofan í holu með sem fæstum spörkum. Í Vatnsholti er nýr 11 holu völlur fyrir sportið auk þess sem þar er að finna ýmsa skemmtun fyrir yngri kynslóðina svo allir ættu að finna eitthvað við sitt hæfi. 

Um Vatnsholt: 

Vatnsholt er fallegt, nýuppgert sveitasetur staðsett 16km austan af Selfoss. 

Upphaflega var Vatnsholt gamall sveitabær sem hefur nú verið uppgerður og er í dag glæsilegt sveitahótel og veitingastaður. Á jörðinni eru nautgripir, hestar, kanínur, hænur og hani, geitur, refur, hundar, kettir, hrafn og dúfur. Skemmtilegt er að segja frá því að meðal dýranna er einn krummi sem kann að mala og tala og einnig svín sem heldur að hann sé hundur.

Frábært leiksvæði er til staðar fyrir börnin, stórt trampólín, kastali með rennibraut og stór 6 manna róla. 

Á Vatnsholti eru 70 gistirými í 33 herbergjum. Í uppgerðu fjósi og hlöðu er glæsilegt veitingahús þar sem hægt er að taka á móti 225 manns í sæti í a la cart. Einnig er þar salur tilvalinn til funda- og ráðstefnuhalda, brúðkaupa eða fyrir veislur af ýmsu tagi. Boðið er upp á hópmatseðla og dagskrá fyrir hópa. 

Nánari upplýsingar má sjá hér. 

Akstursleiðbeiningar:

Frá Selfossi :

Akið ca. 7 km út frá Selfossi (á leið til Hellu) beygt til hægri við skilti á hægri hönd merktVillingaholt (vegur nr. 305) aftur ekið ca. 7km, beygt til hægri við skilti merkt Kolsholt (vegur nr. 309), takið fyrsta afleggjara til vinstri og keyrðu út á enda. Velkomin í Vatnsholt.

Sjá kort á ja.is

Gps hnit:

63° 52,797 N, 20° 47,152 W