Parísardepurð kom út 1869, tveimur árum eftir andlát höfundarins, Charles Baudelaires. Þar er að finna fimmtíu ljóð í lausu máli, samin á árunum 1855-1867, sem birtust flest í dagblöðum og tímaritum áður en safnið tók á sig þá mynd sem nú er þekkt. Með verkinu átti Baudelaire þátt í að breyta í grundvallaratriðum viðhorfi til ljóðlistarinnar og hafði umtalsverð áhrif á skáld innan og utan heimalandsins. Ásdís Rósa Magnúsdóttir þýddi, Kristin Guðrún Jónsdóttir ritstýrði.