Öxin og jörðin er áhrifamikil söguleg skáldsaga um trú og efa, sjálfstæði og kúgun. Hér er heimur og andrúmsloft siðaskiptatímans endurskapað og fjöldi eftirminnilegra einstaklinga, karla og kvenna, stígur ljóslifandi fram úr þoku fortíðarinnar.

Ólafur Gunnarsson hefur sent frá sér fjölmargar skáldsögur, svo sem Milljón prósent menn, Höfuðlausn, Tröllakirkju, Málarann og minningarskáldsöguna Listamannalaun, auk ljóðabóka, barnabóka og smásagna. Öxin og jörðin hlaut Íslensku bókmenntaverðlaunin árið 2003.