Í útjaðri lítils þorps standa tvö hús; annað þeirra er blámálað og umkringt þéttum trjálundi, hitt er bæði grátt og hrörlegt. Handan við húsin er mýrin, víðáttumikil og hættuleg. Enginn hefur búið í gráa húsinu árum saman en allt í einu birtist þar fjölskylda, pabbi og þríburar. Þau komast fljótt að því að í bláa húsinu býr önnur fjölskylda, strákur og þrjár mömmur. Einhverjir eru líka að pukrast í mýrinni. Líklega vita þau ekki að þar býr ófreskja!

Ófreskjan í mýrinni er dularfull og spennandi saga eftir Sigrúnu Eldjárn, sem hefur sent frá sér fjölmargar vinsælar bækur fyrir börn og unglinga og hlotið ýmsar viðurkenningar fyrir verk sín, nú síðast heiðursverðlaun Sagna, verðlaunahátíðar barnanna. Sagan er prýdd fjölda mynda.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 1 klukkustundir og 45 mínútur að lengd. Haraldur Ari Stefánsson les.

Hér má hlusta á brot úr hljóðbókinni: