Naðran á klöppinni gerist á síðari hluta 19.aldar. Sagan fjallar um ekkjuna Teu og hennar fólk sem býr á afskekktri leigujörð og þarf að greiða fátækt sína háu gjaldi. Hér er sagt frá valdníðslu og undirokun, sem kallar annaðhvort á uppgjöf eða hefnd. En einnig er sagt frá tónlistinni sem streymir úr orgelinu , deyfir sársauka og litar gleðistundir. Torgny Lindgren rekur hér myrka sögu en hefur frásagnargleðina að leiðarljósi. Sagan er full af hlýju og sérstæðri kímni.