Heimilisfang
Velja afhendingarmáta

Hvað gerir 53 ára gömul ekkja sem á engin eftirlaunaréttindi? Hún hellir sér að sjálfsögðu beint út í glæpastarfsemi.

Patience Portefeux á tvær dætur í háskólanámi og aldraða móður á elliheimili. Lúsarlaunin sem hún fær sem túlkur hjá dómsmálaráðuneytinu duga fjölskyldunni engan veginn og útséð um að nokkuð sé hægt að leggja fyrir til efri áranna. En dag einn kemst hún á snoðir um yfirgefna hasssendingu og þá stígur hin harðsvíraða glæpadrottning Mútta fram á sjónarsviðið.

Múttan er flugbeitt og meinfyndin glæpasaga sem bregður upp litríkri en nöturlegri mynd af ýmsum skúmaskotum fransks samfélags.

Hannelore Cayre er rithöfundur, leikstjóri, handritshöfundur og refsiréttarlögmaður. Múttan er fimmta bók hennar og hlaut árið 2017 bæði hin virtu glæpasagnaverðlaun Grand Prix de littérature policière og Prix Le Point du polar européen.

Hrafnhildur Guðmundsdóttir þýddi.

4.040 kr.
Afhending