Einkadóttir Theodóru liggur í dái og móðirin samþykkir að tækin verði aftengd. Hvernig er hægt að lifa með slíkri ákvörðun? Theodóra er skáld og hennar leið er að setja saman bók til minningar um Ingu dóttur sína, sem varð ástfangin af Abel, transmanni sem var ekki ástfanginn af henni.

Móðurhugur er skáldsaga um ástina, lífið og dauðann, um leitina að sátt við sjálfan sig og aðra, um mörkin milli skáldskapar og veruleika.

Kári Tulinius gaf út fyrstu bók sína, Píslarvottar án hæfileika, 2010. Hann er einn af stofnendum og ritstjórum Meðgönguljóða.