Heimilisfang
Velja afhendingarmáta
Höfundur: Salman Rushdie

Indland fæddist þegar klukkan sló tólf á miðnætti 15. ágúst 1947 og á fyrsta klukkutímanum í sögu landsins kom 1001 barn í heiminn. Þessi miðnæturbörn voru öll gædd sérstæðum hæfileikum: stelpa frá Goa gat margfaldað fiska, einn drengurinn gat stækkað og minnkað að vild, bláeygt barn frá Kasmír gat breytt kynferði sínu, hvassyrt stúlka gat veitt líkamleg sár með orðum sínum

Tveir drengir fæddust nákvæmlega þegar klukkan sló, Shiva sem hlaut hernaðarkunnáttu að gjöf, og Saleem Sinai en honum gerði stundin kleift að horfa inn í hjörtu og hugi manna. Þeim var hins vegar víxlað. Shiva, sem var af múslímskum aðalsættum, lendir í höndum götusöngvara, en Saleem, fátæklingurinn með gúrkunefið, hafnar hjá auðmannafjölskyldu. Saleem fær alla athyglina og Nehru forsætisráðherra sendir bréf þar sem hann segir að örlög hans verði ævinlega samfléttuð örlögum Indlands. Í tímans rás verða miðnæturbörnin Saleem og Shiva svarnir fjendur …

Miðnæturbörn er einhver rómaðasta skáldsaga 20. aldar og gerði Salman Rushdie heimsfrægan í einu vetfangi. Hún hlaut hin virtu Booker-verðlaun árið 1981 og síðar hlaut hún Booker of Bookers-verðlaun sem besta verðlaunabókin. Miðnæturbörn hefur ævinlega lent í efstu sætum þegar valdar hafa verið bestu og áhrifamestu skáldsögur 20. aldar og hún var einnig á 100 bóka lista norsku bókaklúbbanna í vali frægra rithöfunda á bestu bókum allra tíma.

2.650 kr.
Afhending