Þegar Rósant er tíu ára, árið 1972, fer hann með afa sínum og nafna á Evrópumót öldunga í frjálsum íþróttum í Finnlandi. En happakringlan hverfur skömmu fyrir brottför og gullverðlaunin sem afinn taldi vís eru í hættu.

Þegar íslensku íþróttamennirnir koma til Finnlands opnast heill ævintýraheimur fyrir Rósant litla og ljóst verður að stærstu áskoranirnar eru ekki alltaf inni á keppnisvellinum.

Meistararnir er í senn gamansöm og hlý frásögn af breyskum mönnum. Hér rekast dularfullir og framandi heimar bernskunnar á við heim hinna fullorðnu, þar sem ekki er allt jafn slétt og fellt og yfirborðið gefur til kynna. Hjörtur Marteinsson hefur áður sent frá sér verðlaunabækurnar AM 00 og Alzheimertilbrigðin. Meistararnir er hans fimmta bók.