Skelfing grípur íbúa Stokkhólms. Ódæðismaður leikur lausum hala og misnotar og myrðir litlar stúlkur. Lögreglan er ráðalaus og hefur engar vísbendingar nema kannski gamalt sporvagnskort – og ekkert vitni nema þriggja ára snáða og hugsanlega ræningja sem ekki hefur náðst. En svo rifjar Martin Beck upp símtalið um manninn á svölunum …

Maðurinn á svölunum er þriðja sagan í spennusagnaflokknum Skáldsaga um glæp eftir Maj Sjöwall og Per Wahlöö. Eftir henni var gerð kvikmynd sem naut mikilla vinsælda. Þráinn Bertelsson þýddi bókina sem kom fyrst út á íslensku árið 1978. Norski spennusagnahöfundurinn Jo Nesbø skrifar formála að þessari útgáfu.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 7 klukkustundir og 2 mínútur að lengd. Kristján Franklín Magnús les.