Lundinn er bæði skrítinn og skemmtilegur fugl og hvert mannsbarn kannast við hann, þótt fæstir hafi séð lunda í návígi eða komið í lundavarp.

Í þessari fallegu bók eftir Jóhann Óla Hilmarsson er fjallað um lífshætti lundans í máli og myndum, greint frá samskiptum manns og lunda og bent á bestu lundaskoðunarstaðina á Íslandi. Byggt er á rannsóknum fuglafræðinga og upplýsingum frá áhugafólki og veiðimönnum auk athugana höfundarins sjálfs sem er kunnur fyrir fágæta þekkingu á lífsháttum fugla við Ísland. Margar myndanna í bókinni eru einstakar og sýna merkilegt atferli lunda sem fáir þekkja og ekki hefur áður komið fyrir almenningssjónir.