Kristján Hreinsson er einkum þekktur fyrir ljóð sín, söngtexta og greinaskrif. Færri vita að útgefnar skáldsögur hans eru nú þegar orðnar tíu. Bækur hans fylla brátt sjöunda tuginn.

Lökin í golunni er ellefta skáldsaga Kristjáns.

Lökin í golunni er örlagasaga systra sem mæta hörðum heimi stríðsáranna við andlát móður sinnar. Faðir þeirra verður að sætta sig við að yfirvöld sundri fjölskyldunni og fátækt og niðurlæging blasir við stúlkunum. En vængir vonarinnar eru sterkir og lífið sýnir sínar fegurstu hliðar þegar öllu er á botninn hvolft.

Sagan er að hluta reist á atburðum sem í raun og veru áttu sér stað. Engu að síður kýs höfundurinn að líta á verkið sem hreinan skáldskap með sögulegu ívafi.