Nótnabók með öllum lögunum úr ævintýrasöngleiknum Skilaboðaskjóðunni eftir Jóhann G. Jóhannsson og Þorvald Þorsteinsson í vönduðum píanóútsetningum Jóhanns með söngtextum þeirra Þorvaldar og bókstafahljómum. Bókin er gleðigjafi fyrir tónlistarfólk á öllum aldri svo og söng- og píanónemendur og þarfaþing í leik- og kórstarfi fyrir börn og unglinga. Tónlistin hefur glatt gesti Þjóðleikhússins og áhugaleikfélaga víða um land, verið flutt af Sinfóníuhljómsveit Íslands og Færeyja og hljóðrituð í flutningi leikara og hljómsveitar eftir frumuppfærsluna í Þjóðleikhúsinu haustið 1993.