Heimilisfang
Velja afhendingarmáta
Höfundar: Arnar Eggert Thoroddsen, Einar Bárðarson

Einar Bárðarson, umboðsmaður Íslands: Öll trixin í bókinni, er saga einhvers mesta áhrifamanns í íslensku skemmtanalífi, sem Arnar Eggert Thoroddsen skráði í samstarfi við lagahöfundinn, umboðsmanninn, tónleikahaldarann og Idol- og X-Factor-dómarann Einar.

„Sá sem vill komast áfram í hvaða bransa sem er þarf að kunna öll trixin í bókinni,“ segir Einar í upphafi bókar og kveðst vilja reyna að miðla því áfram sem hann hefur lært. Einar er Selfyssingur í London, heimsborgari með sveitahjarta og gerir hlutina eftir eigin sannfæringu. Það tekst ekki allt sem hann reynir en þá stendur hann bara upp og reynir aftur.

Einar er umtalaður og umdeildur maður og enginn kemst hjá því að hafa skoðun á smellum hans og skellum, sigrum og kollsteypum. Hann hóf ferilinn á Selfossi með tvær hendur tómar en stofnaði og byggði upp stærsta tónleika- og umboðsfyrirtæki Íslands og hefur rekið umboðsfyrirtæki og hljómplötuútgáfu í London. Öll trixin í bókinni er einstaklega skemmtileg frásögn af skrautlegum skemmtanabransanum og furðulegum uppátækjum smárra og stórra stjarna. Evróvisjón, Eldborg, Idol, Nylon, Kiri Te Kanawa, Garðar Thor, Nylon, Gorbatsjev, Van the Man, Yoko Ono, José Carreras … Það er óhætt að segja að Einar hafi víða komið við og í bókinni segir margt frá ótrúlegum ævintýrum umboðsmanns Íslands, heima og erlendis.

„Hér á ferðinni bók sem áhugafólk um poppkúltúr lætur vart fram hjá sér fara. Bókin er áhugaverð heimild um dægurmenningu á Íslandi síðustu ár og það hvernig á að komast af í ólandi meiksins.“
Þröstur Helgason af vitinn.blog.is

„Dásamleg lýsing á íslensku tónlistarlífi. Bókin er stútfull af stórskemmtilegum bransasögum.“
Freyr Eyjólfsson / Rás 2

„Byrjaði upp úr miðnættinu og tók þetta bara í einni lotu. Ég verð eiginlega að viðurkenna að hún var umtalsvert skemmtilegri aflestrar en ég þorði að vona.“
Sveinn Birkir Björnsson / ritstjóri Grapevine




2.750 kr.
Afhending