Skógarlaus skynjum við ekki tímann
skógarlaus vitum við ekki
að vöxtur er samvinna
alúðar og tíma

vöxtur er lifandi tími
sem verður ekki
keyptur

(Úr Óður um tré og skóga II)

Ljóðorkulind er þriðja ljóðorkubókin en hinar fyrri eru Ljóðorkusvið (2006) og Ljóðorkuþörf (2009). Þessar þrjár ljóðabækur mynda afar sterka heild, einstaka hljómkviðu. Þótt form ljóðanna sé margbreytilegt er kjarninn ætíð hinn sami, þar fer fremst sérstæð og undursamleg fagurfræði, stundum galsafengin sýn á umhverfi og  mann en undir niðri býr vitund um fögnuð lífsins og hugarflugsins.