Leigubíll finnst skaðbrunninn við Reynisvatn í Reykjavík. Í honum eru líkamsleifar manns sem lögregla finnur strax út að hafi verið ráðinn bani áður en kveikt var í. Hlöðver Hlöðversson rannsakandi er settur í málið, sem leiðir að gömlu mannshvarfsmáli og að hópi vafasamra einstaklinga sem tengdust nektardansstöðunum um síðustu aldamót.

Ágúst Þór Ámundason er fæddur árið 1980, og sleit barnsskónum að Laugum í Reykjadal þar sem hann býr nú eftir 27 ára búsetu á suðvesturhorninu.

Hann hefur unnið við ýmis störf, verið við sláturtíð, unnið í fiski, stundað sjómennsku, sölumennsku, útkeyrslu og í seinni tíð verið leigubílstjóri.