Sögufélag hefur staðið að útgáfu skjala landsnefndarinnar fyrri, í samvinnu við Ríkisskjalasafn og Þjóðaskjalasafn Íslands, hér er komið annað bindi af sex.

Landsnefndin fyrri var þriggja manna nefnd á vegum konungs sem ferðaðist um Ísland á árunum 1770-1771 og safnaði upplýsingum um land, þjóð og aðstæður í samfélaginu.

Skjöl nefndarinnar varpa ljósi bæði á sögu Íslands og Danmerkur og í þeim er að finna sjónarhorn margra ólíkra þjóðfélagshópa og upplýsingar víða að af landinu.