Kuggur á afmæli! Málfríður og mamma hennar gefa honum óvenjulega afmælisgjöf, bæjarferð á sautjánda júní sem er einmitt afmælisdagurinn hans! Þar hitta þau bæði forsetann og fjallkonuna – og myndastyttu sem heitir Jón. Geta myndastyttur annars átt afmæli?

Sögur Sigrúnar Eldjárn um Kugg og fjörugu mæðgurnar hafa skemmt íslenskum lestrarhestum í þrjátíu ár og koma sífellt á óvart. Afmælisgjöf er sextánda smábókin um þessa stuðbolta.