Myndlistarmaðurinn Jed Martin, einfari í listheimi Parísarborgar, verður þekktur fyrir sérstæðar ljósmyndir af Michelin-landakortum. Þegar hann undirbýr áratug síðar sýningu á stórum málverkum af vinnandi fólki ákveður listaverkasalinn hans að fá rithöfundinn fræga, Michel Houellebecq, til að skrifa grein í sýningarskráa.

Í staðinn málar Jed Martin mynd af honum. Sýningin slær í gegn og málverkin seljast fyrir óheyrilegar upphæðir. En Jed Martin bregður í brún þegar lögreglan hefur samband við hann vegna óhugnanlegs morðmáls …

Michel Houellebecq hefur verið nefndur „rokkari franskra bókmennta“. Bækur hans eru geysivinsælar í heimalandinu og hafa verið þýddar á um fjörutíu tungumál. Hann er afar fjölhæfur höfundur, hefur sent frá sér skáldsögur, ljóð og ritgerðir. Hann hefur auk þess gefið út diska þar sem hann flytur ljóð við undirleik hljómsveitar, gert kvikmyndir og unnið með ýmsum listamönnum og hugsuðum, svo sem teiknaranum Tomi Ungerer, rokkaranum Iggy Pop og heimspekingnum Bernard Henry Lévy.

Kortið og landið hlaut árið 2010 Goncourt-verðlaunin, helstu bókmenntaverðlaun Frakklands. Bókin sameinar á snilldarlegan hátt glæpasögu, örlagasögu einstaklings, lýsingu á sambandi föður og sonar og hárbeitta greiningu á þróun listheims og samfélags á 21. öld.

Friðrik Rafnsson þýddi.