Hörkuspennandi saga eftir handritshöfund sjónvarpsþáttanna Forbrydelsen.

Í rólegu úthverfi Kaupmannahafnar finnst kona myrt og skelfilega limlest – aðra hönd hennar vantar. Fyrir ofan líkið hangir brúða gerð úr kastaníuhnetum. Á henni er fingrafar Kristine, tólf ára dóttur ráðherrans Rosu Hartung, sem hafði horfið ári fyrr. Eftir mikla leit var talið fullsannað að hún hefði verið myrt. Ungur maður játaði á sig morðið og situr bak við lás og slá …

Skömmu síðar finnst önnur kona myrt og á vettvangi er annar kastaníumaður með fingrafari Kristine. Getur verið að hún sé á lífi? Hvað gengur morðingjanum til? Og hver verður næstur?

Søren Sveistrup á heiðurinn af sjónvarpsþáttunum Forbrydelsen (Glæpurinn) sem hafa verið sýndir í yfir 100 löndum, fengið metáhorf og sópað að sér verðlaunum. Hann þykir hafa einstakt lag á að byggja upp spennu og hefur Kastaníumaðurinn, sem er fyrsta skáldsaga hans, vakið athygli víða um heim.

Ragna Sigurðardóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 16 klukkustundir og 26 mínútur að lengd. Þuríður Blær Jóhanssdóttir les.