Jólahefðir og þjóðmenning eru rauður þráður í gegnum þessar hnyttnu og skemmtilegu sögur sem eru tilvaldar fyrir kynslóðir til að lesa saman.

Sögusvið sagnanna fjögurra er falið í titlinum, en undir hinu dulmagnaða Spákonufelli kúrir þorpið Skagaströnd. Þó að sögurnar séu ólíkar tengjast þær á ýmsa lund í tíma og rúmi og eru ýmsar persónur úr óvæntum víddum kynntar til leiks, en öll þurfa börnin í sögunum að ganga í gegnum einhverja lífsreynslu áður en jólin geta komið í allri sinni dýrð.

Þetta er hugljúf og smellin bók fyrir alla þá sem eru að leita að hinum sanna jólaanda.