Við kvæði eftir Kristján Hreinsson

Sumarferðin er nýr sönglagaflokkur eftir Þorvald Gylfason prófessor við kvæði eftir Kristján Hreinsson skáld og heimspeking. Lögin eru samin fyrir sópran, tenór og píanó. Ljóðin og lögin fjalla um söknuð, sorg og gleði, viljann og vonina, ástina, lífið og listina. Flokkurinn er framhald fyrri flokks, Sextán söngvar fyrir sópran og tenór frá 2017. Báðir flokkarnir voru gefnir út 2023 á diskum og bók undir yfirskriftinni Íslenska söngvabókin.